警於午市搜查食肆近一小時 其間查食客身份證禁止離開


政府推出新一輪防疫措施,要求食肆每張枱只能招待4人、每張枱要有1.5米間距。今日中午午膳時分,警方聲稱接獲投訴,指上環德輔道中茶餐廳「四季常餐」的座位距離不合要求,派出12名警員進入餐廳仔細調查,逐張枱量度枱與枱之間的距離是否合乎法例規定,又阻止食客離開餐廳,要登記食客的身份證資料,擾攘約45分鐘才放行食客,引來食客不滿。有食客質疑警方針對店舖,認為警員態度差。警方最後沒有票控餐廳,只提醒稱要確保枱與枱之間的距離。

港府於3月27日宣佈6項管制餐飲業務措施,包括食肆只能提供一半座位;枱與枱之間最少要有1.5米距離,或有其他分隔安排;每枱不可多於4人;食肆內所有人需要佩戴口罩,食客進食時除外;進入食肆前要檢測體溫及食肆要提供消毒洗手液。

中午時分,約12名警員掩至德輔道中88號地下「四季常餐」,警員聲稱收到投訴指座位距離不足1.5米,隨即要求食客不要離開,逐一登記他們的身份證資料。有食客反問登記資料的原因,警員即表示是擔心有人違反隔離令。

警員又拿出拉尺,逐一量度枱與枱之間的距離,擾攘近45分鐘才讓食客離開。不過,警方最後沒有票控餐廳,只提醒稱要確保枱與枱之間的距離。

餐廳經理鍾小姐表示,今次是警方在禁令生效後首次到餐廳調查,「開頭警察講嘢都好大聲,係白衫警官嚟到態度就好好多,話暫時不會告,如下次見到冇改善就會票控」。她表示,「條例生效後已經有啲枱唔畀人坐,但佢哋話幾張枱泊埋都算一張枱,我覺得條例定得唔清晰,有啲含糊」,又指餐廳早已要求食客進入餐廳前,必須量度體溫,「每張枱有酒精搓手液畀佢哋消毒,餐具我哋會畀杯熱水客人洗」。

食客林先生認為大批警員到來調查有針對性之嫌,他說:「12個差人去檢查一間2千呎左右嘅舖頭,係咪過份地浪費警力呢?唔需要呀!重犯呀、打劫呀、定係有咩呢?作為普通市民,我覺得係交數囉、搵嘢嚟做、呃OT錢。」

食客張小姐說:「食食吓嘢,差人入嚟封咗佢,唔准出唔准入。其實有(空間),但1.5米我又唔肯定幾多啦!有啲枱冇開。」令她感到不便。

另一位食客周先生說:「呢度中環,食晏時間,嘥晒我啲時間。要睇佢(警方)係咪公平執法囉,我覺得就唔係,好似光榮餐廳,半個鐘嚟查兩次。」

資料顯示,茶餐廳「四季常餐」,是由壹傳媒集團創辦人黎智英的次子黎耀恩開設。

《基本法》第28條:
香港居民的人身自由不受侵犯。香港居民不受任意或非法逮捕、拘留、監禁。

Facebook(圖片)

蘋果日報(報道)